TIRANË– I penduari i drejtësisë Erion Alibej, një nga personat kyç të përfshirë në disa ngjarje kriminale, ditën e sotme ka dëshmuar detaje tronditëse para togave të zeza në GJKKO lidhur me vrasjen e dy të rinjve, Dorian Shkoza dhe Anxhelo Avdia, në një episod që ai e përshkruan si të planifikuar me kujdes.
Alibej deklaroi se ai ka qenë financuesi i vrasjes së Dorian Shkozës, duke shtuar se vrasjen e Dorian Shkozës e porositi pasi ishte në kërkim të Talo Çelës.
“Vrasjen e Dorian Shkozës e kam porositur pasi kërkoja me çdo kusht Talo Çelën. Nga hetimi që bëra me Nuredinin mësova disa persona të tjerë që kishin marrë pjesë në vrasjen ndaj familjes sime. Nuredi Dumani më tha, që është person që ka marrë pjesë në ekzekutimin e familjarëve të mi.”-Alibej.