Policia eLushnjës ndërhyri mbrëmjen e djeshme dhe parandaloi një vjedhje në një firmë ndërtimi në lagjen “18 Tetori”.
Gjatë patrullimit, efektivët konstatuan dy shtetas që po tentonin të vidhnin karburant dhe pajisje në ambientet e biznesit. Menjëherë, policia ndërhyri dhe ndërmori arrestimin në flagrancë të dy autorëve, Gramoz Canka, 54 vjeç, dhe Julian Canka, 40 vjeç, banues në Lushnjë, që rezultuan të ishin vëllezër.
Materialet procedurale i janë referuar Prokurorisë pranë Gjykatës së Shkallës së Parë Fier për veprime të mëtejshme.