PAKISTAN– Ish-kryeministri pakistanez Imran Khan u dënua të premten me 14 vjet burg dhe gruaja e tij Bushra Bibi me shtatë vjet, pasi akuzohen për një rast korrupsioni.
Khan, i cili ndodhet në burg që prej 2023, gjithashtu iu dha gjithashtu një gjobë prej 1 milion rupi pakistaneze (3,500 dollarë), ndërsa Bibi u gjobit me gjysmën e kësaj shume.
Khan mbetet pas hekurave, me dhjetëra çështje në pritje kundër tij – një situatë që ai e përshkruan si një gjueti shtrigash politike.
Khan u arrestua për herë të parë në lidhje me çështjen Al-Qadir Trust në maj 2023.
Megjithatë, arrestimi çoi në protesta mbarëkombëtare gjatë të cilave mbështetësit e Khan u revoltuan në shumë qytete./REL