Shqipëria, së bashku me 13 shtete aleate – përfshirë SHBA-në, Francën dhe Mbretërinë e Bashkuar – reaguan ashpër ndaj asaj që e quajtën rritje të komploteve të shërbimeve iraniane të inteligjencës për vrasje, rrëmbime dhe ngacmime kundër individëve në Europë dhe Amerikën e Veriut.
“Jemi të bashkuar kundër përpjekjeve të paligjshme të shërbimeve iraniane për të vrarë dhe rrëmbyer njerëz në territoret tona, në shkelje flagrante të sovranitetit tonë,” thuhet në deklaratën e përbashkët.
Deklarata, e nënshkruar nga Shqipëria, Austria, Belgjika, Kanadaja, Çekia, Danimarka, Finlanda, Franca, Gjermania, Holanda, Spanja, Suedia, Mbretëria e Bashkuar dhe SHBA, u bën thirrje autoriteteve iraniane të ndalojnë menjëherë këto aktivitete.
Sipas qeverisë britanike, që nga viti 2022 janë parandaluar mbi 20 komplote iraniane për rrëmbim dhe vrasje në Mbretërinë e Bashkuar, ndërsa raportet ndërkombëtare flasin për një bashkëpunim gjithnjë e më të madh të Teheranit me rrjete kriminale ndërkombëtare.
Ask ChatGPT