KOSOVË- Presidentja e Kosovës, Vjosa Osmani, është përballur me një incident të papritur në Aeroportin Ndërkombëtar të Shkupit, ku sigurimi në aeroport tentoi të merrte telefonin personal të saj.
Ndërkohë këshilltari për media i presidentes Osmani, Bekim Kupina, e ka cilësuar këtë veprim si një shkelje të praktikave ndërkombëtare.
Ai ka thënl se se veprimet e zyrtarit të sigurimit dukeshin se kishin për qëllim të provokonin delegacionin e Kosovës dhe të shkaktonin ndonjë incident. Më tej Kupina shtoi se presidentja nuk e lejoi një gjë të tillë, pasi do të kishte qenë një shkelje e rëndë e protokollit.
“Ekipi i presidentes i shpjegoi rregullat zyrtarit të aeroportit, por ai tentoi fizikisht ta shtyjë presidenten, çka detyroi Policinë e Kosovës të ndërhyjë për ta hapur rrugën. Kjo sjellje është në kundërshtim me çdo praktikë ndërkombëtare, sipas të cilave krerët e shtetit mbrohen me privilegje e imunitete diplomatike.”- tha Kupina.