KOMAN– Shtetasi Edison Oruqi është gjetur ditën e sotme i mbytur në ujërat e lumit të Shalës. Familjarët e kishin shpallur të zhdukur prej pesë ditësh, ndërsa vetëm sot është mundur të gjendet trupi i tij i pajetë.
Mësohet se kanë qenë vetë familjarët ata të cilët pas kontrolleve të 5 ditëve kanë mundur të gjejnë trupin e pajetë, por ata kërkojnë ndihmën e policisë dhe polumbareve për nxjerrjen e kufomës nga uji, pasi e kanë të pamundur për shkak të rrjedhës së ujit.
Kujtojmë se babai i 3 fëmijëve u zhduk në mënyrë misterioze, paraditen e së shtunës, teksa ishte duke punuar në një bujtinë atje. Ndërkohë dyshohet se personi që kishte punësuar Edisonin pas mbarimit të punës, e kishte lënë viktimën në një gadishull të vogël me rërë dhe jo në destinacion, sepse aty nuk arrinte varka./Radar.al
Gruaja e Edisonit e tronditur: Është baba i 3 fëmijëve, doli për një kafshatë bukë. Dua drejtësi