HAS– Vijojnë kërkimet edhe ditën e sotme për 27-vjeçarin Ajet Lleshi kanë vijuar edhe ditën e sotme.
Kanë kaluar katër ditë nga zhdukja e të riut në malin e Pashtrikut ndërsa kërkimet e mëparshme kanë rezultuar të pasuksesshme pasi nuk është gjetur asnjë gjurmë e tij.
Për gjetjen e tij janë angazhuar banorët e zonës, gjahatarë, policë dhe emergjencat civile të Hasit. Prefekti i Qarkut Kukës, Dritan Baji, bëri të ditur se nëse gjatë ditës së sotme kërkimet nuk do të jenë rezultative, të premten do të vijnë 100 trupa të ushtrisë.
Ajet Lleshi, 27-vjeçari nga fshati fshati Kishaj u largua që prej mëngjesit të 7 Prillit nga banesa për të prerë dru në pyll. I riu telefonoi për ndihmë familjarët, por pas kësaj telefonate që prej tre ditësh ende nuk ka gjurmë të tij, pavarësisht kërkimeve me helikopter e dron. Një ditë pas zhdukjes së tij u raportua se i riu u gjet i pajetë por lajmet u përgënjeshruan nga prefekti i Kukësit teksa theksoi se kërkimet vazhdojnë. ]Terreni i vështirë dhe koha e keqe me borë kanë vështirësuar punën dhe familjarët nuk kanë arritur të pikasin të riun. Kërkimet gjatë ditës së djeshme nuk ishin të suksesshme pasi nuk gjetën asnjë shenjë të tij dhe familjarët nuk kanë asnjë kontakt me riun./Radar.al
Gerta humbi garën me Rozanën/ Olta Gixhari “hedh akuza” ndaj produksionit: Votat s’tregonin…
Vota e diasporës/ Celibashi sqaron si do procedohet me fletën e votimit për emigrantët