Një ngjarje e rëndë është regjistruar mbrëmjen e djeshme në fshatin Drashovicë të Selenicës, ku një 43-vjeçar dyshohet se i vuri zjarrin një sipërfaqeje me ullinj, pas një konflikti me bashkëfshatarin e tij.
Specialistët për Hetimin e Krimeve të Komisariatit të Policisë Selenicë arrestuan në flagrancë shtetasin E. B., 43 vjeç, banues në Drashovicë, i cili akuzohet se më datë 21.08.2025, rreth orës 19:30, në vendin e quajtur “Fshati i Vjetër”, ndezi zjarr në mënyrë të qëllimshme.
Si pasojë e përhapjes së flakëve, u dogj një sipërfaqe toke e mbjellë me ullinj dhe u rrezikuan të digjen bagëtitë e imta të bashkëfshatarit të tij, shtetasit F. N..
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme.
Radar.al