Mëngjesin e sotëm është marrë në pyetje Mark Anthony Samson, i riu që i mori jetën ish të dashurës së tij shqiptare, Ilaria Sula.
Raportohet se 23-vjeçari gjatë dëshmisë së tij të ketë thënë se e goditi me thikë tre herë në qafë për shkak të ‘xhelozisë’.
“Kam vepruar me shtysë”, tha i riu, duke konfirmuar edhe një herë se ai ishte autori i vrasjes.
“Unë i bëra të gjitha vetë”, u shpreh Mark Samson në Gjykatë.
Sipas deklaratës së Samsonit, krimi ka ndodhur mëngjesin e 26 marsit. Dyshja së fundmi i kishin dhënë fund lidhjes së tyre. Ndërsa më datë 26 vajza shkoi në shtëpinë e tij për t’i kthyer disa rroba dhe më pas kishte qëndruar të flinte pasi ishte tepër vonë për t’u kthyer me transport publik.
Ngjarja fatale për shqiptaren ndodhi mëngjesin e së nesërmes. Hetimet në lidhje me këtë ngjarje vijojnë ende.
Kujtojmë se ditën e sotme u mësua se në makinën e përdorur nga djali për të lëvizur trupin e 22-vjeçares nuk u gjetën gjurmë gjaku.