Vrasja e Ilaria Sulës vijon të mbetet mister por pavarësisht kësaj hetimet për zbardhjen e ngjarjes po vijojnë.
Prokurorët e çështjes kërkojnë të zbulojnë nëse Mark Samson u ndihmua nga prindërit e tij që të ekzekutonte të dashurën shqiptare.
Së fundmi është mësuar se babai i shqiptares, Flamur Sula në një intervistë të gjatë për «Chi l’ha visto» tregoi se sa me vështirësi i kishte rritur fëmijët e tij. Ndërsa më tej ai rrëfen dhe paturpësitë e përqafimit të ishit të vajzës. Kujtojmë se ky i fundit dyshohet të jetë autori i kësaj ngjarjeje që tronditi mbarë opinionin publik.
“Marku më përqafoi në komisariat,”tregon i ati për mediat italiane.
“Më tha se i vinte keq, mendoja se po më ngushëllonte. Hera e fundit që dëgjuam nga Ilaria ishte të martën kur ajo na tha se do të vinte në shtëpi të shtunën. Ajo jetonte me miqtë në Romë, ku edhe ndiqte universitetin. Ajo ishte telefonata e fundit. Pas asaj të shtune morëm mesazhe nga celulari i saj. Vajza ime më shkruante: “Përshëndetje babi, mos u shqetëso. Unë jam mirë. Do të kthehem në Terni pas një muaji. Dhe pastaj më përsëriste: Mos u shqetëso, unë jam mirë. Më pas, të dielën takuam të dashurin e vajzës sime në komisariat, nuk e dinim se ishin ndarë, ai na tha se ishte i shqetësuar për zhdukjen e vajzës,” dëshmon Flamur Hoxha.