Një 25-vjeçar i shpallur në kërkim ndërkombëtar është vënë në pranga nga Policia Kufitare në Portin e Durrësit, në tentativë për t’u larguar drejt Italisë.
I arrestuari është Mërgim Bruti, 25 vjeç, me banim në Itali. Ai ishte shpallur në kërkim nga Interpol Bern, pasi Gjykata e Luzernit në Zvicër, me vendim të datës 08.01.2025, e ka dënuar me 27 muaj burgim për veprat penale “Vjedhja” dhe “Shkelja e rregullave të qarkullimit rrugor”.
Falë intensifikimit të kontrolleve dhe informacioneve të siguruara nga inteligjenca policore, Bruti u kap në dalje të territorit shqiptar dhe u arrestua me qëllim ekstradimin.
Interpol Tirana po vijon procedurat me autoritetet zvicerane për ekstradimin e tij.
Radar.al