Një tjetër emër i dalë nga bisedat në aplikacionin Sky Ecc, që çuan në pranga ish deputetin e PS, Jurgis Çyrbja është edhe emri i Edmond Koçit, i njohur si “Mond Çekiçi”.
Ky i fundit është ekzekutuar tre vite më parë, në mars të vitit 2021. Autorët kanë qenë dy, të kamufluar me veshje ushtarake dhe të maskuar me shall e kapuç.
Makina e autorëve një tip “Benz ” i zi kishte bllokuar rrugën në pritjet të arritjes së makinës me të cilën udhëtonte Çekiçi, të cilin e kanë ekzekutuar me breshëri plumbash, një skenë që ka zgjatur rreth 20-30 sekonda.
“Mond Çekiçi”, konsiderohej nga policia e Durrësit si person me rrezikshmëri, pasi jo vetëm që ishte pjesë e një klani kriminal në Durrës, por ai rezultonte i dënuar disa herë për akuzën e mbajtjes pa lejë të armëve dhe kundërshtimit të forcave të policisë.
Lidhja me Jurgis Çyrbja
Mond Çekiçi së bashku me Ahmet Masha dhe Altin Hajri sipas bisedave nga Sky, dyshohen se kanë ndërhyrë që Jurgis Çyrbja të renditet i treti në listën për deputetë të Partisë Socialiste.
E rëndë/ Ish-deputeti socialist ndihmoi të fshihej Altin Hajrin, pasi rrëmbeu dhe zhduku Jan Prengën