Në një prononcim për mediat, sekretari i Komisionit Zonal të Administrimit të Zgjedhjeve (KZAZ) në Kashar, Remzi Mehmeti, ka rrëfyer momentet e incidentit ku paprtimas vëzhguesi i deputetit Ornaldo Rakipi e sulmoi fizikisht.
Sekretari shpjegoi se shkak i kësaj përleshjeje u bë një votë e kontestuar e PS nga vëzhguesi i Rakipit. Mirëpo pas sqarimit të marrë nga komsioni, vëzhguesi i Rakipit thuhet se është irrituar çka e çoi situatën deri në dhunë fizike nga ana e tij dhe pastaj u largua nga vendngjarja.
Në fjalën e tij Mehmeti theksoi se nuk njihej me agresorin. Ndërsa pas ngarjes ai bën me dije se personin që ushtroi dhunë ndaj tij e ka kallëzuar në komisariatin nr.6 në Tiranë.
“Ishte një votë e pakontestuar dhe vëzhguesi që nuk e dimë nëse ishte i akredituar, e ka kontestuar me zë të lartë. U thashë që të qetësoheshin se do rishikohej. Por ata vijuan që të bërtisnin dhe ankoheshin. U thashë se do merrja masa për përjashtimin e tyre nga KZAZ, por reagimi që pasoi ishte ai që u pa, me sulm dhe agresion. Vota ishte e PS-së, pretendohej për Orlando Rakipin por pati kontestime dhe duhet të ishte KZAZ që do shprehej për kontestimin. Ne kemi bërë kallëzim te Komisariati nr. 6, pasi nuk i njoh personat dhe presim që hetimet t’i bëjnë ata për rastin. Ne do ta kryejmë detyrën tonë me çdo kusht”, u shpreh sekretari.
