Gjatë prezantimit të kandidatëve në Qarkun e Durrësit, kryetari i PD-së, Sali Berisha, deklaroi se Edi Rama është i shqetësuar nga rikthimi i opozitës dhe roli i këshilltarit amerikan Chris LaCivita, të cilit po i vë nofka nga mungesa e gjumit.
“Ka dy ditë që nuk fle dhe merret me gjeniun e fushatës sonë. Por shumë shpejt do kuptojë se edhe Disney është në krahun tonë”, tha Berisha, duke e cilësuar këtë si një betejë mes mashtrimit dhe alternativës së ndershmërisë.
Ai akuzoi Ramën për dështime dhe braktisje të qytetarëve, sidomos shtresave në nevojë. Berisha premtoi se pas 11 majit, qeveria e drejtuar nga opozita do të miratojë paketën e dhembshurisë, që përfshin:
Pension minimal: 200 euro
Rritje 20% për pensionet mbi 200 euro
Rrogë minimale: 500 euro
Rrogë mesatare: 1200 euro
Rrogë për mësuesit: 1500 euro
Karta e konsumatorit: 20% ulje në ushqime për shtresat në nevojë
“Paratë do t’u kthehen qytetarëve, jo luksit të qeveritarëve,” – përfundoi Berisha.