TIRANË– Marina Vjollca ka qenë e ftuar sëfundmi në podcastin e Alketa Vejsiut ku ka prekur pothuajse të gjitha sferat e jetës së saj, nga familja deri tek bizneset.
Në një moment Alketa e ka pyetur sesi u bë e mundur që ajo të sillte në Shqipëri brandin italian, të stilistes së njohur Elisabetta Franchi.
Marina ka treguar se si fillim ajo vetëm bënte tag në rrjetet sociale brandin e njohur, pasi i blinte dhe veshjet e kësaj marke ishin më të preferuarfat e saj, dhe pikërisht nga këto foto ka ardhur një koment nga Elisabetta: Sei belissima (je shumë e bukur).
Menjëherë moderatorja ka bërë një kërkesë të sillte brandin në Tiranë, derisa kjo gjë është bërë e mundur.
Por kujtojmë se rreth tre vite më parë, në qershor të 2022, stilistja e njohur u përfshi në një skandal që lidhej direkt me punën e saj.
Gjykata e Busto Arsizio E dënoi stilisten e njohur Elisabetta Franchi dhe kompaninë e saj Betty Blue Spa për frazat seksiste të përdorura nga biznesmenja. Gjykata i cilësoi diskriminuese deklaratat e zonjës Franchi.
“Punësoj vetëm burra ose gra mbi 40 vjeç.”– kujtojmë se ka qenë kjo fraza për të cilën Betty Blue, kompania e stilistes së njohur, ju desh të paguante një gjobë prej 5 mijë eurosh si dëmshpërblim ndaj Shoqatës Kombëtare për Luftën kundër Diskriminimit.
Dënimi përfaqëson një hap të rëndësishëm përpara në luftën kundër diskriminimit gjinor në vendin e punës:
“Fjalët e Elisabetta Franchi u konsideruan fyese dhe të dëmshme për dinjitetin e grave nga gjyqtari, aq sa ajo kërkoi që ajo të braktiste çdo paragjykim moshe, gjinie, ngarkesat dhe angazhimet familjare në fazat e përzgjedhjes së personelit për postet e larta.”/Radar.al