Zgjedhjet për presidencën e Real Madridit janë mbyllur me fitoren e Florentino Pérez, i cili ka siguruar një tjetër mandat në krye të klubit madrilen.
Sipas rezultateve përfundimtare, Pérez mori shumicën e votave të anëtarëve të klubit, duke mposhtur kandidatin rival Enrique Riquelme.
Procesi zgjedhor u zhvillua në qendrën stërvitore “Ciudad Real Madrid” në Valdebebas dhe shënoi një moment të veçantë, pasi për herë të parë pas dy dekadash gara për presidencën u zhvillua mes dy kandidatëve.
Me këtë fitore, Pérez forcon pozitat e tij në drejtimin e Real Madridit, duke vijuar projektin e tij në krye të një prej klubeve më të suksesshme dhe më të njohura në futbollin botëror.