Zamira Durda, humbi djalin e saj 7-vjeçar nga ngjarja e Gërdecit më 15 mars 2008.
Qytetarja është shprehur e zhgënjyer me realizimin e procesit gjyqësor, papëlqimi i saj ishte kryesisht ndaj ish-ministrit të Mbrojtjes Fatmir Mediut.
Durda shprehet se një ditë pas një seance prej 3 orësh, ku ishte parashikuar marrja në pyetje e 5 ekspertëve, avokatët e Mediut po mundohen për të zvarritur procesin gjyqësor.
Në një intervistë për Report Tv, në emisionin ‘Sot Live në Shqipëri’ Durda u shpreh: “Nga pyetjet ishte një kakofoni që nuk drejtonin pyetjet korrekte, pasi nuk ishin në gjendje të përcaktonin se çfarë faqe ishte dhe kur pyetje i përket. Ata kanë bërë disa pyetje që kanë qenë të padrejta. Në këtë prizëm u shqyrtua kjo seancë dje, se këto pyetje ishin të papranueshme nga ekspertët. Debati që fund të seancës, kjo seancë për ne nuk kishte interes për ne, për demet e shkaktuara nga shteti, pasi ka mjaftueshëm mekanizma për ti plotësuar këto gjëra. Gjyqtarja dhe avokatët mbrojtës janë të presupozuar që të kërkojnë zvarritje në këtë process”.