Georgina Rodriguez, 31 vjeçe, ka ndezur rrjetin me një seri fotosh nga pushimet në Detin e Kuq, ku u shfaq me një set të bardhë elegant dhe bizhuteri të shtrenjta që tërhoqën vëmendjen e fansave.
Partnerja e yllit të futbollit Cristiano Ronaldo, 40 vjeç, pozonte buzë detit në perëndim të diellit, ndërsa shkëlqimi i diamanteve luksoze i jepte një tjetër dimension pamjes së saj.
Pas shumë spekulimeve, Georgina ka konfirmuar zyrtarisht fejesën me Ronaldon përmes një postimi në Instagram, duke i dhënë fund thashethemeve që qarkullonin prej kohësh.
Më herët, fansat kishin vënë re një unazë gjigante diamanti gjatë një darke romantike, çka nxiti aludimet për propozimin. Megjithëse këtë herë në plazh nuk mbante unazën 30 karatëshe të vlerësuar mbi 3 milion dollarë, Rodriguez kishte zgjedhur një tjetër diamant të madh, pjesë e koleksionit të saj të bizhuterive.
Lajmi i fejesës është pritur me urime dhe entuziazëm nga personalitete të njohura si Lauren Sanchez Bezos, Taylor Ward dhe Charlotte Tilbury.
Çifti, që prej gati një dekade është në qendër të vëmendjes botërore, po përgatitet për një kapitull të ri të jetës së tyre – një martesë që pritet të jetë një ndër ngjarjet më të bujshme të vitit në botën e showbiz-it dhe sportit.