Një aksident rrugor është regjistruar mëngjesin e sotëm në aksin Laç–Milot, pranë mbikalimit të Patokut, ku një automjet tip “Benz” është përplasur me një autobus pasagjerësh.
Si pasojë e përplasjes, dy persona që ndodheshin në automjet kanë mbetur të plagosur dhe janë transportuar me urgjencë drejt Spitalit të Traumës në Tiranë. Sipas burimeve mjekësore, të lënduarit po marrin ndihmën e nevojshme dhe ndodhen jashtë rrezikut për jetën.
Fatmirësisht, nga pasagjerët e autobusit nuk ka të lënduar. Në vendngjarje ndodhet policia rrugore, ndërsa grupi hetimor po punon për të zbardhur shkaqet e aksidentit dhe mënyrën se si ndodhi përplasja.
