Një tjetër aksident u regjistrua mbrëmjen e 26 dhjetorit në qytetin e Korçës.
Burimet thanë se në afërsi të teatrit të qytetit, një automjet ka goditur një person që lëvizte me monopatinë.
Paraprakisht dyshohet se mjeti do të hynte në parkim, ndërsa një person me monopatinë ka kaluar para duke i prerë rrugën.
Si pasojë ka mbetur i plagosur pasi i është bllokuar këmba. Policia ka shkuar në vendngjarje për zbardhjen e rrethanave.