Një mal me para për transferimin e shekullit. Marrëveshja që mund të sjellë Maks Vershtapenin te Aston Martin është vërtet astronomike.
Holandezi, i cili ka vendosur të largohet nga Red Bull në fund të këtij sezoni, do ta gjente veten duke nënshkruar kontratën më të pasur në historinë e Formulës 1. Janë 300 milionë dollarë për tre vitet e ardhshme (2026-2028), ekuivalente me 264 milionë euro. Mund të duket si fantazi, por është realitet për faktin e thjeshtë se ky megatransferim do të financohej nga fondi sovran i Arabisë Saudite, i cili ka vendosur të marrë pronësinë e ekipit nga manjati kanadez Laurence Stroll. Fuqia e “Fondit të Investimeve Publike” (PIF), i kryesuar nga Princi i Kurorës Mohamed bin Salman është e jashtëzakonshme dhe e njohur në botën e sportit. Ai solli Kristiano Ronaldon te Al Nasr, duke i ofruar 200 milionë për të qëndruar për dy vitet e ardhshme, ndërsa “Liv League” të golfit duke nënshkruar me Xhon Ram, numrin një në fushën e gjelbër, me një kontratë 500 milionëshe. Nuk është çudi që ai tani është i gatshëm të hapë thesin edhe për katër herë kampionin botës në Formula 1.
DYFISHIM PAGE – Interesi saudit në botën e garave të Formulës 1 ka shpërthyer vitet e fundit, pas marrëveshjes me “Liberty Media” për të organizuar Çmimin e Madh në Xhedah, një ngjarje që është rritur që nga viti 2021, duke tërhequr spektatorë dhe investitorë. Fondi sovran zotëron tashmë 20% të aksioneve të Aston Martin Lagonda, kompania historike e makinave në pronësi të Stroll, dhe sponsorizon ekipin e Formulës 1 përmes gjigantit të naftës Aramco. Nënshkrimi me Vershtapenin, pothuajse do të dyfishonte pagën aktuale të pilotit holandez nga 50 milionë euro që fiton te Red Bulli në 88 milionë euro në vit.
Një transferim që si qëllim rikthimin e Aston Martin në luftën për kampionatin botëror të pilotëve dhe konstruktorëve nga viti 2026, kur do të ndryshojnë rregullat teknike. Fillimisht erdhi investimi i madh i Stroll në ndërtimin e një fabrike futuristike në Silverston, e kompletuar me një tunel ere, simulator dhe stola testimi më të fundit. Më pas ishte marrëveshja me gjeniun e aerodinamikës Adrian Njuei, i rrëmbyer nga Red Bulli vitin e kaluar. Për të mos përmendur marrëveshjen me Hondan për furnizimin e njësive zyrtare të gjeneratës së ardhshme. Prandaj Maks Vershtapen do të ribashkohej me drejtorin teknik me të cilin punoi në Milton Keynes dhe markën japoneze që ka kontribuar në të gjitha triumfet e tij. Por sigurisht që për të pranuar këtë sfidë, për Vershtapenin ishte e nevojshme të sigurohej kontrata e jet./PanoramaSport
E rëndë në Gjirokastër, 17-vjeçari i jep fund jetës në banesë