Presidenti i Paris Saint-Germain, Nasser Al-Khelaifi, ka bërë një gjest të jashtëzakonshëm për të gjithë familjen e klubit: 600 pjesëtarët e stafit do të udhëtojnë falas në Mynih për finalen e Ligës së Kampionëve kundër Interit më 31 maj dhe do të përfitojnë gjithashtu një pjesë të bonusit të performancës.
Në një letër të dërguar stafit, Al-Khelaifi vlerësoi rolin e çdo individi në rrugëtimin historik të PSG-së dhe theksoi:
“Kjo finale është meritë e çdo njeriu që punon për këtë klub. Fitorja është kolektive dhe ju jeni pjesë e saj.”
Ky shpërblim, që zakonisht u dedikohet vetëm lojtarëve, synon të përforcojë frymën e unitetit që klubi ka ndërtuar nën drejtimin e Al-Khelaifit.
Veprimi u prit me entuziazëm brenda klubit dhe në rrjetet sociale, ku tifozët e cilësuan këtë si “shembull frymëzues të vlerësimit njerëzor në futbollin modern.”