Sipas “Wall Street Journal”, vendet evropiane po hartojnë një plan për krijimin e një koalicioni të gjerë ndërkombëtar që do të synonte garantimin e lundrimit të sigurt në Ngushticën e Hormuzit pas përfundimit të konfliktit në rajon.
Plani parashikon angazhimin e anijeve ushtarake dhe njësive të specializuara për pastrimin e minave detare, me qëllim rikthimin e sigurisë në një nga pikat më strategjike të transportit global të naftës dhe tregtisë detare.
Sipas raportimit, iniciativa pritet të zbatohet në fazën pasluftës dhe mund të mos përfshijë Shtetet e Bashkuara të Amerikës, duke sinjalizuar një qasje të pavarur evropiane në menaxhimin e krizës së mundshme në rajon.