Shqipëria do të dominohet nga mot i kthjellët dhe temperatura të larta gjatë ditës së sotme. Sipas parashikimit, në pjesën më të madhe të territorit do të mbizotërojë moti me diell, ndërsa vranësira të pakta kalimtare pritet të shfaqen kryesisht në zonat malore gjatë orëve të mesditës dhe pasdites.
Era do të fryjë me intensitet të lehtë deri në mesatar, me forcim përgjatë vijës bregdetare, duke krijuar kushte më të favorshme për freski në zonat pranë detit. Ndërkohë, deti parashikohet me valëzim të ulët deri mesatar, i përshtatshëm për aktivitetet detare.
Temperaturat do të mbeten të larta, tipike për fundin e korrikut, ndaj qytetarëve u rekomandohet të shmangin ekspozimin në diell gjatë orëve të pikut dhe të konsumojnë sa më shumë lëngje.