Një ngjarje e rëndë ka ndodhur sot në Kasandra të Halkidikisë, Greqi, brenda një banese të marrë me qira në zonën e Kipsa. Një shtetas shqiptar ka hyrë në banesë, ka grabitur 2,000 euro dhe një celular, dhe më pas ka plagosur me thikë një turiste 25-vjeçare nga Ukraina.
Viktima është transportuar në qendrën shëndetësore të Kasandras, ku po i nënshtrohet trajtimit mjekësor. Përmes fotografive, e huaja ka identifikuar autorin, ndërsa policia greke ka nisur një operacion të gjerë për kapjen e tij.
I dyshuari është identifikuar si Ylli Shkalla, 27 vjeç, nga Tirana, i cili kishte arritur të arratisej një ditë më parë nga burgu i Kasandras, ku po vuante dënim në gjysmë liri dhe punonte brenda institucionit.
Shkalla ishte arrestuar më parë në shkurt 2017 për 9 vjedhje të kryera në bashkëpunim në Tiranë.