Laçi është tronditur këtë të premte nga një ngjarje e rëndë me armë zjarri, ku pesë persona kanë mbetur të plagosur si pasojë e një konflikti të çastit. Mes të plagosurve është edhe një grua e moshuar, Angjelina Gjezaj, e cila punonte si shitëse ambulante pranë Gjykatës së Kurbinit. Ajo ka marrë një plumb në këmbë dhe ndodhet nën kujdesin e mjekëve.
Të plagosurit e tjerë janë identifikuar si Amarildo Ndoj, Liridon Ismaili, Daniel Gjeloshi dhe Geri Bitri.
Policia e Lezhës ka reaguar menjëherë pas ngjarjes, duke deklaruar se incidenti ka ndodhur pas një konflikti të çastit mes disa personave. Sipas njoftimit zyrtar, autori i të shtënave është identifikuar dhe janë duke u zhvilluar operacione për kapjen e tij.
“Grupi hetimor, nën drejtimin e Prokurorisë, po punon për sqarimin e plotë të rrethanave dhe dokumentimin ligjor të ngjarjes, si dhe për arrestimin e shtetasit që qëlloi me armë,” thuhet në deklaratën e Policisë së Lezhës.
Ngjarja ka shkaktuar panik në qytet dhe ka sjellë reagime të shumta për sigurinë publike në zonë.
Emrat e të plagosurve
Angjelina Gjezaj
Amarildo Ndoj
Liridon Ismaili
Daniel Gjeloshi
Geri Bitri