Tre shqiptarë janë dënuar nga autoritetet britanike me 9 vite burgim, pas shndërrimit të një ndërtesë në fermë kanabisi, vlera e të cilës arrinte deri në 200 mijë paund.
Xhafer Furriku, Hajri Musa dhe Gerald Daci, zbulohet se ndodheshin në Britani ilegalisht.
Furriku kishte udhëtuar në MB me vizë legjitime për të vizituar djemtë e tij të rritur në Huddersfield.
Por ai qëndroi pasi viza mbaroi për të përfituar shërbim dentar falas përpara se të udhëtonte për në Forfar ku do të ushtronte dhe aktivitetin e tij me kultivimin e kanabisit.
Avokati David Kinloch, duke I dalë në mbrojtje, u shpreh para gjykatës: “Ai erdhi në Mbretërinë e Bashkuar me aeroplan në aeroportin e Liverpool më 23 shtator 2022 për të vizituar fëmijët e tij. I ka skaduar viza, por ai nuk u kthye në shtëpi. Ai tha se kishte nevojë për një ndërhyrje dentare, e cila zgjaste në kohë. Atij iu ofrua punësimi si piktor dhe dekorues në vendndodhjen e Forfarit në korrik 2023. Ai udhëtoi me autobus për në Forfar dhe takoi për herë të parë dy ish-të bashkakuzuarit. Ai u informua se ishte atje për dekoruar dhe për të pikturuar dhe nuk u lejua të largohej. Ky nuk ishte një rast kur ai ishte trafikuar. Ai e tejkaloi afatin e vizës”.
Furriku, 65 vjeç, u burgos për tre vjet dhe u dha urdhër që të erkstradohej pasi ai e pohoi se po kujdesej për prodhimin e kanabisit prej 187,500 £ më 8 gusht 2023.
Ndërsa 2 emigrantët e tjerë të paligjshëm Hajri Musa dhe Gerald Daci tashmë janë dënuar me gjashtë vjet burg për rolin e tyre në skemën e rritjes së drogës.