TIRANË– Në spektaklin e fundit mbrëmjen e së martës në Big Brother VIP Albania ndodhën jo vetëm eliminime të njëpasnjëshme, por edhe përballje të drejtpërdrejta që kanë tërhequr vëmendjen e publikut.
Mbrëmë nga loja u eleminuan përfundimisht Juela dhe Edisa.
Kjo e fundit sapo u ul për intervistën pas eliminimit, Ledioni e vuri përballë një deklarate të bërë prej saj gjatë qëndrimit në lojë, duke i kërkuar sqarim publik.
Gjatë ditëve në shtëpi, Edisa kishte aluduar për një pëlqim të mundshëm mes tij dhe Brikenës, një koment që kishte qarkulluar gjerësisht edhe jashtë formatit. Moderatori vendosi ta adresojë drejtpërdrejt këtë çështje, duke i dhënë fund spekulimeve me një deklaratë të prerë dhe pa hapësirë për keqinterpretim.
“Që ta dish ti dhe ndonjë tjetër, unë kam pëlqyer vetëm një bjonde në Big Brother dhe ajo nuk është konkurrente sezonale.”-tha moderatori duke lënë të kuptohet qartë se aludimet nuk qëndronin dhe se bjondja në fjalë është Sara Hoxha, ish-partnerja e tij./Radar.al