Adele ka pasur hite njëri pas tjetrit në karrierën e saj dhe së fundmi po mban një turne.
Artistja mbërriti në Mynih fundjavën e kaluar dhe ishte gati për t’u dhënë një eksperiencë të madhe të gjithë fansave. Në fund, ajo përfundoi duke u dhuruar atyre një nga momentet më emocionuese.
Kur Adele ishte gati të performonte “Someone Like You”, ajo vendosi të ndalej dhe të fliste hapur mbi jetën e saj. Artistja ishte gati të qante para se të këndonte këngën, por u tregu e fortë dhe mbajti një nga fjalimet e saj më emocionuese.
“Kjo këngë më ndryshoi jetën. E shkrova në një kohë të jetës sime kur isha në nivelin më të ulët që kam qenë ndonjëherë,” filloi ajo.
Këngëtarja u shpreh se si ndihej atëherë dhe çfarë do të thoshte për të ‘Someone Like You’:
“Nuk doja të rrija në shtëpi. Qëndroja deri vonë çdo natë dhe qaja shpesh vetëm. Nuk doja të takoja miq dhe të bëja gjëra të tilla isha në depresion”.
Adele dërgoi edhe një mesazh për të gjithë të rinjtë që ishin në koncertin e saj.
“Do të doja që dikush të më kishte thënë që kur të isha 21 vjeç, njerëzit do ta këndojnë një ditë këtë këngë “Someone Like You”. Kjo është gjeniu i muzikës”, tha artistja përpara se të performonte këngën që i ndryshoi përgjithmonë jetën.