GJERMANI– Mbrëmjen e së hënës ka ndodhur një ngjarje e rëndë e cila ka tronditur komunitetin shqiptar në Gjermani, ku një shqiptar nga Maqedonia e Veriut ka vrarë ish-gruan e tij me thikë, ndërkhë që të pranishëm nëkëtë ngjarje kriminale kanë qenë edhe tre fëmijët e mitur.
Mësohet se krimi ka ndodhur mbrëmjen e së hënës në qytetin e Dortmundit, ku viktima, një 28-vjeçare shqiptare, ka humbur jetën pas disa goditjeve me thikë nga ish-bashkëshorti i saj 33-vjeçar.
Ndër është identifikuar autori, me inicialet A.Xh., i cili është me origjinë nga Shkupi, ndërsa viktima është shtetasja S.Xh., me origjinë nga Gostivari.
Fëmijët e tyre janë të moshave 3, 4 dhe 6 vjeç. Këto tre të mitur kanë qenë dëshmitar të krimit të babait të tyre duke i marrë jetën nënës së tyre.
E reja u plagos rëndë dhe u dërgua në spital pasi fqinjët lajmëruan policinë dhe ambulancën. Fatkeqësisht, ajo nuk mundi dot t’u mbijetonte plagëve të marra nga goditjet me thikë duke ndërruar jetë në spital.
Më pas autori ka tentuar të largohet drejt Maqedonisë, por është arrestuar nga policia gjermane në afërsi të Nurembergut. Autoritetet po hetojnë ndaj tij për vrasje me dashje./Radar.al