Së fundmi policia e Fierit ka shpallur në kërkim shtetasin Arben Isufi i njohur ndryshe dhe si Ben Qimen pasi dyshohet se kërcënoi me jetë gjyqtarin e Gjykatës së Fierit, Vladimir Cjapi.
Për rrjedhojë të situatës bëhet me dije se gjyqtari dhe familja e tij janë marrë në mbrojtje nga policia.
Gazetari Elton Qyno shkruan për “Ora Neës” se zanafilla e sherrit ka nisur për një çështje që Cjapi ka aktualisht “në duar”.
Gjyqtari ka në shqyrtim gjyqësor një çështje panele, ku i pandehur për akuzën e “Kundërshtimit të punonjësve të policisë” është marrë një nga nipat e Isufajt.
Duke qenë se para se të bëhej gjyqtar, Vladimir Cjapi kishte shërbyer si avokat në qytet, ishte hasur në punën e tij edhe duke mbrojtur çështje të familjes Isufaj.
Ndaj dhe Arben Isufaj i ka kërkuar ndihmë.
Por kërkesave të Arben Isufaj, gjyqtari i Fierit i është përgjigjur negativisht, gjë që nuk është pritur mirë nga pala tjetër.
Mësohet se përmes një personi tjetër, që njihet dhe nga Arben Isufaj por edhe nga gjyqtari Vladimir Cjapi, Isufaj i ka dërguar një mesazh kërcënues:
“Mbaje mend se çdo të të bëj, edhe mushkonjat e shtëpisë do ti vras”.
Menjëherë pas mesazhit, gjyqtari Cjapi bërë kallëzim në polici.
Kujtojmë se ditën e djeshme në banesën e Arben Isufajt shkuan për kontroll forcat RENEA, por i shpalluri në kërkim nuk u gjet në shtëpi.