Një ngjarje e rëndë ka tronditur qytetin e Pejë këtë të diel, ku dy vëllezër kanë ndërruar jetë brenda një intervali shumë të shkurtër kohor.
Sipas informacioneve, fillimisht ka humbur jetën Gazmend (Shefqet) Maloku, i njohur nga familjarët dhe miqtë si “Meni”, si pasojë e një aksidenti në trafik.
Dhimbja për familjen Maloku është thelluar edhe më shumë vetëm pak orë më vonë, kur vëllai i tij, Bashkim (Shefqet) Maloku, ka ndërruar jetë pas një gjendjeje të rënduar shëndetësore.
Raportohet se Bashkimi ka qenë në trajtim spitalor dhe ka vdekur rreth një orë pasi kishte marrë lajmin për humbjen e vëllait të tij.
Dy humbjet e njëpasnjëshme kanë shkaktuar pikëllim të madh te familjarët, miqtë dhe komuniteti lokal, duke e kthyer ditën në një tragjedi të rëndë për familjen Maloku.