Një votë nga diaspora për qarkun e Durrësit ka tërhequr vëmendjen për shkak të mënyrës së veçantë me të cilën votuesi ka shprehur pakënaqësinë e tij. Edhe pse ka vendosur X-in tek Partia Socialiste, emigranti ka lënë një mesazh të qartë proteste mbi fletën e votimit.
Përveç votës, ai ka vizatuar një figurë që ngjan me një demon dhe ka shkruar:
“Duam ujë 24 orë! S’na rruhet për BE! Ditë të zeza ju presin!”.
Ky veprim thekson një shqetësim të vjetër që ende prek shumë zona të Shqipërisë, mungesa e ujit të pijshëm me orar të plotë dhe tregon sesi qytetarët po kërkojnë forma alternative për të shprehur zërin e tyre, edhe në procesin zgjedhor. Megjithëse teknikisht e pavlefshme, mesazhi i lënë në fletë tregon shumë.