TIRANË– Gjykata e Apelit ka lënë në fuqi vendimin e Shkallës së Parë, për deputetin e Partisë Demokratike, Ervin Salianji, për ta dënuar me një vit burg.
Mësohet se gjatë seancës ka pasur tensione, pas depozitimit të një vendimi nga mbrojtja e Geron Xhafës. Bëhet fjalë për një vendim të datës 12 prill 2018 të gjykatës së krimeve të rënda që pushoi hetimet për trafik droge ndaj Geron Xhafës.
Vendimi i është dorëzuar Apelit të Përgjithshëm, nga mbrojtësi i Geron Xhafes, Ardian Visha javën e kaluar, pasi u mbyll shqyrtimi gjyqësor, gjë që sot shkaktoi debat pasi pritej vetëm shpallja e vendimit e jo depozitimi i provave të reja. Avokati e Ervin Salianjit pretendon se ky vendim përsa kohë nuk ka marrë formë të prerë, nuk është i ligjshëm.
LEXO EDHE: Salianjin e shoqërojnë kolegët demokratë në Gjykatën e Apelit, pritet të jepet vendimi