TIRANË– Deputeti i Partisë Demokratike, Ervin Salianji është paraqitur në Gjykatën e Apelit, ku pritet të jepet vendimi lidhur me dosjen “Babale”.
Sikurse ka ndodhur edhe në seancat e kaluara, Salianji është shoqëruar nga kolegët e tij demokrat.
Në mbështetje të tij shihen deputetët e opozitës, mes tyre Dhurata Cupi, Saimir Korreshi, Bledion Nallbati dhe Zheni Gjergji, Asllan Dogjani, Dashnor Sula, Xhelal Mziu, Ferdinand Xhaferri, Luciano Boçi, Luan Baci, Gazment Bardhi, Helidon Bushati dhe Edi Paloka.
Kujtojmë se Ervin Salianji akuzohet për denoncimet ndaj qeverisë për lidhje me trafikantë dhe personazhe të krimit të organizuar. Demokrati bëri një sërë denoncimesh dhe nga fushat me kanabis për lidhjet e ish-ministrit Tahiri me kanabizimin.
Në të gjithë këto vite nga nisja e hetimeve për dosjen “Babale” theksojmë se të gjithë prokurorët dhe gjyqtarët që kanë pasur çështjen kanë dhënë vendimin me 1 vit burg në shkallë të pare, janë shkarkuar nga organet e Vettingut.