TIRANË– Mbrëmjen e së martës është diskutuar sërish tema lidhur me hyrjen e babait të Loredanës në shtëpinë e Big Brother VIP dhe kërkoi që vajza e tij të mos vazhdoj më me Jozin.
Por në sy ra që në këtë takim Jozi nuk i dha dorën babait të Loredanës dhe kjo u vu në dukje në gjatë spektaklit nga opinionisti Arbër Hajdari.
“2 metra burrë, 57 cm ke dorën, si nuk i dhe dorën mo burrë? Në një takim të tillë, na ndodh të gjithëve. Disa u ndodh 2-3 herë. I kishe thënë ‘mos ki merak se i kam gjërat seriozisht’. A nuk do ishte kjo më normal? Apo normale është kjo që the ‘do ti këndoja një serenatë’. A je në terezi apo jo?”, u shpreh ai.
Banori nuk dha një përgjigje, por e kaloi situatën me buzëqeshje.
Kujtojmë se pak më herët Jozi tha se do t’i këndonte një serenatë babait të Loredanës, por kjo nuk u prit mirë nga Lori dhe banorët e tjerë./Radar.al