Dashamir Shehi nga foltorja e Kuvendit në përkrahje të nismës për heqjen e ligjit të luftës me Greqinë, theksoi se shqiptarëve nuk iu duhet patriotizmi ekstrem dhe as patetizmi politik.
Shehu shtoi se problemet mes vendit tonë dhe Greqisë kanë qenë 30 vjet më parë dhe se ka ardhur momenti që marrëdhënia mes vendeve të përmirësohet.
Sipas Shehit zgjidhja e mosmarrëveshjeve me Greqinë mbetet një alternativë e mirë e rrugëtimit tonë drejt Brukselit.
“Greqia nuk i shpalli luftë Shqipërisë, por çamërisë. Ka ardhur koha që ky ligj të hiqet, por mos të keqpërdoret. Zoti Rama i bën një koncesion patriotizmash shqiptare, në mënyrë që të rreshtohemi pak nga krahu tjetër. Por nuk duhet të jetë kjo filozofia. Kemi pasur me Greqinë të gjithë zigzaket tona. Ka mbetur çështja e detit. Kemi pasur ligjin e luftës dhe çështje e pronave çame. Këtë çështje duhet ta përmendim. Ka shumë shqiptarë që janë integruar në Greqi, pasi janë garancia që marrëdhënies mes dy vendeve do të përmirësohet. Këto probleme kanë qenë dhe 30 vjet më parë. Edhe mua më pëlqen ajo fryma e deklaratës.
Nuk na duhet patriotizmi ekstrem dhe as patetizmi politik, për ta kujtuar të kaluarën duke qarë, pasi nuk ka vlerë në politikë. Duhet të bëjmë një real politik me Greqinë. Na pëlqejnë, s’na pëlqejnë. Ne duhet të bindin veten dhe ta ushqejmë me rrugëtimin drejt Brukselit, pasi është e vetmja alternativë e Shqipërisë më e mirë. Duhet të kemi kurajon që t’i sheshojmë problemet me Greqinë. Rruga që kemi bërë sot, është që të sheshojmë këto pengesa. Në Shqipëri ka një shprehje; do me shku mirë me komshiun, ngrejë pak gardhin.”, tha Shehi.