Një person u dhunua rëndë mbrëmjen e së martës në Lezhë. Ngjarja ndodhi pranë një pike karburanti në aksin rrugor Lezhë–Rrilë, ku i plagosuri u nxorr me forcë nga automjeti me të cilin udhëtonte dhe më pas u godit me sende të forta nga disa persona.
I plagosuri u transportua fillimisht në urgjencën e Spitalit të Lezhës, ku mori ndihmën e parë mjekësore, ndërsa më pas u dërgua drejt Spitalit të Traumës në Tiranë për trajtim të specializuar për shkak të gjendjes së rënduar.
Policia ka nisur hetimet për identifikimin dhe kapjen e autorëve, si dhe po punon për sqarimin e rrethanave dhe motiveve të ngjarjes.