Përplasjet mes Jonida Maliqit dhe Soni Malajt brenda “Ferma VIP” vijojnë të bëjnë jehonë edhe jashtë formatit, duke ndezur debatet në rrjet.
Pas daljes nga reality show, Jonida ka reaguar për herë të parë lidhur me raportin me Sonin, duke u shprehur se mes tyre ka dallime të mëdha në arsimim, karrierë dhe mënyrë jetese.
Ajo tha se i ka parë komentet e koleges gjatë qëndrimit në fermë, por ka zgjedhur të mos merret me to.
“Ne jemi rritur ndryshe, kemi arsim ndryshe. Edhe karrierën e kemi ndryshe. Qasje kemi pasur vetëm në kompeticione ku unë kam triumfuar, por Soni i ka harruar ato dhe mban mend vetëm veshjen firmato. Këto tema e zvogëlojnë një individ, nuk e zmadhojnë”, u shpreh Jonida.
Deklarata e saj është interpretuar si një thumbim i drejtpërdrejtë ndaj Soni Malajt, ndërsa fansat vijojnë të diskutojnë nëse tensioni mes tyre është krijuar vetëm në “Ferma VIP” apo vjen prej vitesh.