Në kulmin e karrierës si futbollist, Uejn Runi fitoi shumë para dhe arriti suksese të mëdha, duke përfshirë edhe transferimin në Shtetet e Bashkuara, te klubi i Uashingtonit.
Megjithatë, kur u rikthye në Europë për të nisur karrierën si trajner, ish-sulmuesi anglez nuk arriti të shkëlqejë në këtë rol. Ai u shkarkua nga shumica e klubeve që i besuan drejtimin, përfshirë edhe Plejmuth, ku qëndroi vetëm 7 muaj.
Tani, Runi po nis një kapitull të ri në karrierën e tij, pasi është angazhuar si komentator i përhershëm në BBC. Pas largimit të Gary Lineker, rrjeti britanik po rinovon panelin e ekspertëve dhe i ka ofruar Runit një kontratë me vlerë rreth 925,000 euro.
Në të njëjtën kohë, gruaja e tij, Kolin, ka firmosur me platformën “Disney+” për një dokumentar familjar që do të ndjekë jetën e çiftit dhe katër fëmijëve të tyre, për një vlerë prej 11.5 milionë eurosh.