Aktori i madh amerikan, Denzel Washington, mori dje një çmim surprizë për arritje në karrierë gjatë Festivalit të Filmit në Kanë, raporton “Radio France Internationale”.
Kjo ishte hera e parë që 70-vjeçari Washington u shfaq në tapetin e kuq të Kanës, ku u promovua edhe premiera e filmit “Highest 2 Lowest”, me regji nga Spike Lee.
Në një ceremoni para shfaqjes së filmit, Washington u nderua me “Palmën e Artë” nga drejtuesit e festivalit, Thierry Fremaux dhe Iris Knobloch.
Fremaux prezantoi një montazh të performancave ikonike të aktorit, duke përfshirë rolet e tij në filmat “Malcolm X” dhe “Mo’ Better Blues”, të dyja me regji të Spike Lee. Gjithashtu u shfaqën fragmente nga “Glory” dhe “Training Day”, për të cilat Washington fitoi dy çmime Oscar për aktorin më të mirë mbështetës dhe aktorin më të mirë, duke u bërë aktori i parë me ngjyrë që fiton dy çmime Oscar në një vit.