Së fundmi në rrjet është komentuar martesa e çiftit të “BBVA4” Egli Tako dhe Gjestit, e cila u zhvillua brenda shtëpisë së Big Brother VIP Albania.
Në lidhje me këtë rast gëzimi, gazetari Bledi Mane është shprehur skeptik për qëllimin e kësaj martese, duke e cilësuar si të shtirur dhe të realizuar për shoë.
“Martesa e tyre është e sforcuar dhe e bërë për shoë. Çdo veprim që bëjnë më duket si i kalkuluar për famë,” u shpreh Mane në emisionin në Dekalog nga Roland Qafoku në DritareTV.
Ndërsa më tej zbuloi se ai vlerëson më shumë Gjestin sesa Eglin, duke kritikuar sjelljen dhe qëndrimin e saj publik.
“Egli është një njeri posesiv, e etur për famë dhe kërkuese e vëmendjes me çdo kusht. Jam shumë i sigurt që ajo ia ka nxirë jetën çdo mashkulli që ka pasur për krah”, tha ai.
Sipas gazetarit, lidhja mes çiftit nuk është e vërtetë dhe nuk beson në qëndrueshmërinë e marrëdhënies së tyre.