Këtë “qeverinë teknike” me shumë gjasë e ngatërrojnë me “qeverinë me bazë të gjërë” e cila në fakt është thellësisht politike dhe e ngritur mbi konceptin e gjithëpërfshirjes. Njësoj siç bëhet lëmsh rëndom koncepti i “ministrit teknik”. Një “ministër teknik” është ekspert ndër më të njohurit në shoqëri, që i besohet të drejtojë një dikaster që është fiks fusha e ekspertizës së tij shumëvjeçare. Pra, këtë lloj ministri e njeh gjithë publiku majtas e djathtas si ekspert. Ndërkohë, ne rastin shqiptar, një ministër që edhe kur e bën search në google nuk del asgjë, nuk mund të quhet “ministër teknik” por thjesht ministër anonim! Rrjedhimisht, kemi “qeveri politike” pavarësisht bazës së gjërë apo të ngushtë, “qeveri teknike” me teknicien real jo fake dhe “qeveri anonime”. Hajde merre vesh cilën kërkon opozita tani!
