Varianti i ri, i quajtur XEC, u identifikua në Gjermani në qershor dhe njëkohësisht bëhet me dije se u shfaq dhe në Britaninë e Madhe, SHBA, Danimarkë dhe disa vende të tjera.
XEC u zbulua se kishte disa mutacione të reja që mund të ndihmonin përhapjen e llojit këtë vjeshtë, megjithëse ekspertët besojnë se vaksina duhet të ndihmojë në parandalimin e rasteve më të rënda.
Profesor Francois Balouk, drejtor i Institutit të Gjenetikës në University College London, njoftoi se XEC mund të bëhet nënvarianti dominues gjatë dimrit.
Ja cilat janë 4 simptomat më të zakonshme:
Simptomat që përjetojnë pacientët me variantin XEC janë të ngjashme me simptomat e ftohjes dhe gripit, si më parë, dhe katër më të zakonshmet janë: temperaturë e lartë, dhimbje, lodhje, kollë ose dhimbje fyti.
Shumica e pacientëve ndihen më mirë disa javë pas infektimit, por shërimi mund të zgjasë më shumë.
Mike Haney, analist që analizon të dhënat për Covid-in, thekson se ka pasur një rritje të fortë të numrit të pacientëve me variantin XEC në Danimarkë dhe Gjermani.
Në të njëjtën kohë, kryhen më pak teste rutinë se më parë, kështu që është më e vështirë të zbulohet se sa ky virus është realisht i pranishëm./ BBC