Një avion luftarak i Ushtrisë amerikane është rrëzuar mbi territorin e Iranit, ndërsa autoritetet kanë nisur menjëherë një operacion kërkim-shpëtimi për të gjetur të mbijetuarit.
Lajmi është konfirmuar për Reuters nga një zyrtar amerikan, i cili foli në kushte anonimiteti dhe nuk dha detaje të mëtejshme mbi rrethanat e incidentit apo fatin e pilotëve.
Sipas CNN, disa pamje të publikuara në rrjetet sociale, të verifikuara përmes gjeolokimit, duket se tregojnë përpjekjet e ekipeve të shpëtimit në zonën e rrëzimit.
Ende nuk është e qartë vendndodhja e saktë brenda Iranit ku ndodhi incidenti, ndërsa as Shtëpia e Bardhë dhe as ushtria amerikane nuk kanë dalë me një reagim zyrtar.
Nëse konfirmohet plotësisht, ky do të ishte rasti i parë i rrëzimit të një avioni amerikan mbi Iran gjatë këtij konflikti, duke rritur ndjeshëm tensionet në rajon.
Kujtojmë se në fillim të luftës, tre avionë F-15 u rrëzuan gabimisht në një incident “zjarri miqësor” nga mbrojtja ajrore e Kuvajtit.
A US fighter jet was shot down over Iran and a search is underway for the crew, three US sources and Iranian state media say https://t.co/J95TXlxkC5 pic.twitter.com/rkIHI3vJZq
— CNN (@CNN) April 3, 2026