Në një intervistë për Report TV, Artemisi Dono, psikologia klinike foli për ankthin dhe depresionin si probleme të shëndetit mendor, që mund të cilësohen si epidemi.
“Ataku panikut ka disa shenja që shpesh mund të duket si sëmundje kardiake dhe mund të ngatërrohet me të” , tha në fillim të bisedës psikologia, duke shtuar se shumica e njerëzve mund të përjetojnë një atak paniku të paktën njëherë në jetë.
”Së pari, për të shpjeguar termat një atak paniku është një ngjarje shumë intensive emocionale që na krijon bllokim frymarrje, duke përfshirë mendjen por dhe trupin tonë”, shtoi Artemisi në studio.
Paniku kryesisht ndodh për shkaqe të panjohura, por mund të ketë dhe motive që lidhen me një ngjarje në të shkuarën tonë.
Ataku panikut mund t’i ndodhi kujtdo, nuk bën përjashtime dhe lidhet kryesisht me frikën tonë.
“Gjatë një ataku paniku ajo që vihet re është frymëmarrja e shkurtër, pasi duket sikur një person nuk merr dot frymë”, tha psikologia.
Me pak fjalë, ataku i panikut nuk ka ndarje moshe, pasi mund të përjetohet nga të gjithë dhe lidhet me nivelin e stresit.
Psikologia sugjeroi disa metoda të thjeshta si meditimi apo frymëmarrja, apo çajrat e ndryshëm, që të kalojnë problemin me atakun e panikut.