Sinoptikania Lajda Porja thotë se Dhjetori dhe muajt e tjerë në vijim do të kenë temperatura të ulëta. Ky dimër do të jetë më i ftohtë se dimri i kaluar shtoi ajo.
Sipas saj një pjesë e Mesdheut përfshirë dhe Shqipërinë do të kenë temperaturat tipike të një dimri klasik.
“Ka startuar në Shtator “La Ninja” dhe pritet të jetë deri në fund të Shkurtit që do të thotë se do të kemi një dimër të vërtetë në pjesën më të mirë të globit, një pjesë do të ketë të acartë. SHBA, Britania e Madhe, Skandinavia, pjesërisht pjesa më e madhe e Evropës Qendrore do të përjetojnë një dimër të acartë dhe një pjesë e Mesdheut do të përjetojë një dimër tipik, aktualisht ne jemi në temperatura të një dimri tipik klasik të Shqipërisë. Jemi në temperatura tipike Dhjetori, -3 gradë është temperatura më e ulët në Peshkopi dhe -2.4 gradë është në qarkun e Korçës, flasim për zonat urbane, kurse fshatrat do të kenë temperatura 2-3 gradë më të ulëta, zonat e thella malore shkojnë padiskutim në -5 gradë.
Është një dimër pak më i ftohtë krahasuar me vitin e kaluar, por do të jetë një dimër pak më i ngrohtë se një dimër tipik.
Sepse deri në datën 15 Dhjetor ne do të përjetojmë ditë tipike dimri që do të thotë se do të jemi rreth vlerave minimale -2 ose -3 gradë dhe vlerat maksimale 14-15 gradë, por pjesa e dytë e Dhjetorit do të jetë më e ngrohtë, ku vlerat maksimale do të jenë më larta,” tha sinoptikania.