Deputeti i Partisë Socialiste, Erion Braçe, ka reaguar sërish për çështjen e arrestimit të ish-kryebashkiakut Erion Veliaj, duke theksuar se qëndrimi i tij i mëparshëm ka rezultuar i drejtë. Duke folur në emisionin “Top Story” me Grida Dumën, Braçe tha se e ka “dhembur” e gjithë situata dhe se deklarata e tij një muaj më parë – që duhej pritur vendimi i Gjykatës Kushtetuese – ishte e bazuar.
Ai u shpreh se shpesh kritikohet për tonin e lartë, por theksoi se kjo vjen nga irritimi dhe jo si pjesë e ndonjë performance. “Jam i vërtetë, jo neutral. Nuk bëj teatër. Kush më pranon, mirë; kush jo, është zgjedhja e tij”, tha Braçe.
Duke komentuar situatën e Veliajt, ai shtoi: “Kur kam të drejtë, kam të drejtë. Ashtu siç kisha edhe një muaj më parë. Më ka dhembur ajo histori, kisha të drejtë.”