FIER– Kryeministri Edi Rama, Zv.Kryeministrja Belinda Balluku, Ministri i Ekonomisë, Kulturës dhe Inovacionit, Blendi Gonxhja dhe Zv.Ministrja (MEKI) Olta Manjani vijojnë takimet e hapura në të gjithë Shqipërinë për të ndarë me pensionistët pikëpamje për skemën e pensioneve.
Sot nga Fieri Kryeministri Rama, referuar bonusit për pensionistët, u ka premtuar të moshuarve se këtë fundvitit do të buzëqeshin më shumë se çdo Vit të Ri më parë.
“Këtë vit të ri ju do të buzëqeshni më shumë se çdo vit të ri më parë. Buzëqeshja nuk ka fund, nuk diskutohet. Por të buzëqeshësh më shumë sot se dje është përparim i rëndësishëm. Mos e vini në dyshim që rritja e pensioneve tuaja është prioritet i çdo dite të punës sime.”-shprehet Rama.