Një aksident automobilistik ka ndodhur ditën e sotme në Kukës i cili shkaktoi 4 të plagosur.
Burimet bëjnë me dije se aksidenti ka ndodhur afër urës 16 orëshe në dalje të Rrugës së Kombit.
Papritmas një mjet tip “Benz” ka dalë nga autostrada dhe është përplasur me një “Toyota”.
Nga aksidenti janë plagosur dy pasagjerët dhe shoferi që ishin në automjetin tip Benz, gjithashtu i plagosur ka ngelur edhe drejtuesi i foristradës.
Të plagosurit janë transportuar menjëherë në urgjencën e Kukësit dhe mësohet se fatmirësisht janë jashtë rrezikut për jetën.
Policia dhe grupi hetimor po kryen veprimet për shkaqet e aksidentit.
Shkak i aksidentit mendohet të jetë bërë mungesa e ndriçimit.